ನವಿಲು ನೋಡಿ 
ಕೆಂಭೂತ ಕುಣಿಯಿತಂತೆ  
ಕುಣಿಯಲಾಗದೆ ಕುಳಿತೆ 
ಜಗ ಕುಣಿದು ನಲಿಯಿತು!

ಸಾಯೋ ತನಕ ಶನಿ ಕಾಟ
ಆದ್ರೆ ಬಾಳೋದು ಯಾವಾಗ
ಅವಕಾಶ ಹುಡುಕಿ ಒಂದಡಿ ಮುಂದಡಿ ಇಟ್ಟೆ
ಜಗ ಒಂದು ಗಜ ಮುಂದೆಹೋಯಿತು!
 
ಶೆಟ್ಟಿ ಶೃಂಗಾರ ಆಗೋದ್ರಲ್ಲಿ 
ಪಟ್ಟಣ ಹಾಳಾಯ್ತತಂತೆ 
ದುಬಾರಿ ಬಟ್ಟೆ ಉಡಲಿಲ್ಲಾ 
ಜಗ ಬೇಸರಿಸಿ ನಾಚಿಕೊಂಡಿತು!

ಅತಿ ಆಸೆ 
ಗತಿ ಕೇಡಂತೆ 
ಬಂದದ್ದು ಸಾಕೆಂದುಕೊಂಡೆ 
ಜಗ ನಕ್ಕು ಶ್ರೀಮಂತವಾಯಿತು!

ಹೊಳೆಗೆ ಸುರಿದರೂ 
ಅಳೆದು ಸುರಿಬೇಕಂತೆ 
ಗಳಿಸಿದ್ದೆಲ್ಲಾ ಸುರಿದೆ 
ನನ್ನೀ ಜಗ ಬರಿದಾಯಿತು!

ಮರಿ ಮಾಡುವ ಮುನ್ನ
ಮೊಟ್ಟೆ ಎಣಿಸಬಾರದಂತೆ 
ಒಟ್ಟು ಮಾಡಲಾಗದೆ ಕುಳಿತೆ 
ನಿನ್ನಿಷ್ಟವೆಂದು ಜಗ ದುಪ್ಪಟ್ಟಾಯಿತು!

ರಾಗ ನೆನಪಾದಾಗ 
ತಾಳ ಮರೆತು ಹೋಯಿತಂತೆ 
ಇಂಪು-ಸೊಂಪಾಗಿ ಹಾಡಲಿಲ್ಲ 
ಜಗ ರಂಗು ರಂಗಾಗಿ ಗುನುಗಿತು!

ಉಂಡದ್ದು ಊಟ ಆಗಲಿಲ್ಲ 
ಕೊಂಡದ್ದು ಕೂಟ ಆಗಲಿಲ್ಲ 
ಮನ ಸಂತೃಪ್ತಿ ಪಡಲೇ ಇಲ್ಲ 
ಜಾಣ ಜಗ ಪಾಠ ಕಲಿಸಿತು!

ಓಲೆ ಆಸೆಗೆ ಬೆಕ್ಕು 
ಮೂಗುತಿ ಕಳೆದುಕೊಂಡಿತಂತೆ 
ಸಿರಿತನದಾಸೆಗೆ ನೆಮ್ಮದಿ ಕಳೆದುಕೊಂಡೆ
ಜಗ ಬದುಕಿನರ್ಥ ತಿಳಿಸಿತು!

ಮನೆಯ ಬಾಗಿಲಿಗೆ ಬೀಗ ಹಾಕಿಕೋ 
ಮನದ ಬಾಗಿಲು ತೆರೆದಿಡು 
ನಾನು ಒಳಗೆ ಕುಳಿತುಕೊಂಡೆ 
ಜಾಗ ಬಾಗಿಲೆಳೆದುಕೊಂಡಿತು!


Comments

Post a Comment

Popular posts from this blog

ಕಾರಿನ ಚಕ್ರಗಳು ತಿರುಗುತ್ತಿವೆ  ತೇಲಾಡುತ್ತಿವೆ ನೂರಾರು ಭಾವನೆಗಳು ಮನದಲ್ಲಿ  ರಸ್ತೆಯ ತಿರುವಿನಲ್ಲಿ  ಅದೇ ಹುಡುಗಿ  ದಿನ ದಿನವೂ ಕಾಣ ಸಿಗುತ್ತಾಳೆ  ಅದೇ ಜಾಗದಲ್ಲಿ  ನಿಂತು ತಲೆತಗ್ಗಿಸಿ ಕಣ್ಣಿನಂಚಿನಲ್ಲೇ  ನೋಡುವ ಈ ಹುಡುಗಿ  ಯಾಕೋ ನನ್ನ ಮನ ಕಾಡುತ್ತಾಳೆ  ಯಾರ ಎದುರು ನೋಡುತ್ತಾಳೋ   ಬಸ್ಸಿಗೋ, ಆಟೋಗೋ, ಕೆಲಸಕ್ಕೂ  ನಾನು ಬೇಗ ಆಫೀಸ್ ಸೇರಬೇಕಿದೆ     ಅಲ್ಲಿ ನಿಲ್ಲಿಸಿ ಮಾತಾಡಿಸಲಾರೆ  ಆದರೂ ಮರೆಯಲಾರೆ  ದಿನ ದಿನವೂ ಯಾಕೆ  ನಾ ಆಕೆಯ ನೋಡಬೇಕು ತಲೆ ಕೆಡಿಸಿಕೊಳಬೇಕು  ಅವಳೇನು ಚೆಲುವೆಯಲ್ಲ  ನಾನೇನು ಯುವಕನಲ್ಲ  ಗಡ್ಡ-ಮೀಸೆ ಬೆಳ್ಳಗಾದಮೇಲೆ  ಇಲ್ಲದ ಸಂವೇದನೆಯೇಕೆ  ನನ್ನ ದಾರಿ ನಾನು ನೋಡಿಕೊಳದೆ ತಲೆ ಬಿಸಿಮಾಡಿಕೊಳಲೇಕೆ  ಬಿಪಿ ಮಾತ್ರೆ ದರ ಮುಗಿಲಿಗೇರಿದೆ ಇನ್ನು ಹುಳಿ-ಖಾರ ಬೇಡವೆಂದಿದ್ದಾರೆ ಮನಸ್ಸಿನ ವಿನಃ ದೇಹ ಮುಪ್ಪಾಯಿತೆ  ಕನಸಿನ ಗೊಂಚಲೊಂದು ಬಾಡಿದಂತೆ  ದಳಗಳು ಉದುರುವ ಮುನ್ನಾ    ಜೀವನ ಕೈಯಲ್ಲಿಡಿದು  ಗಾಡಿ ಚಲಾಯಿಸಲೇಬೇಕು ಸಮಯ-ನಿಯಮ ಪಾಲಿಸಲೇಬೇಕು  ನಿಲಲಿಕ್ಕುಂಟೆ, ತುಸು ನಾಚಲಿಕ್ಕುಂಟೆ   ಸಮಯ! ಕಾರಿನ ಚಕ್ರಗಳು ತಿರುಗುತ್ತಿವೆ ನೂರಾರು ಭಾವನೆಗಳು ತೇಲಾಡುತ್ತಿವೆ  ರಸ್ತೆಯ ತಿರುವಿನಲ್ಲಿ ಅದೇ ಹುಡುಗಿ ದಿನ...
Read more
We wreathed about our darling's head The morning-glory bright; Her little face looked out beneath So full of life and light, So lit as with a sunrise, That we could only say, "She is the morning-glory true, And her poor types are they." She is the morning-glory So full of life and light So lit as with a sunrise...  But not so beautiful they rear  Their airy cups of blue, As turned her sweet eyes to the light, Brimmed with sleep's tender dew; And not so close their tendrils fine Round their supports are thrown, As those dear arms whose outstretched plea Clasped all hearts to her own. We used to think how she had come, Even as comes the flower, The last and perfect added gift To crown Love's morning hour; And how in her was imaged forth The love we could not say, As on the little dewdrops round Shines back the heart of day. Oh those lovely lips The devil in my mind Confiscate which is not mine The joy of sweetness Lies in lost memories Oh those...
Read more

Gelati!

Image
  ೧.  ಗೆಳತಿ ನಿನ್ನ ಕಂಗಳ ತುಂಬಾ ನೂರಾರು ತರಂಗಳು ಹೊರ ಹೊಮ್ಮಲಿ ಬಿಡು ಒಲುಮೆಯ ಸಂಕೇತಗಳು ನಾ ಕಾದಿರುವೆ ಬೆಸೆಯಲು ಗಾಢಪ್ರೇಮದ ತಂತುಗಳು! ೨.  ಗೆಳತಿ ನಿನ್ನ ನಾಸಿಕ  ಮೆಚ್ಚಿದ ರಸಿಕ ನಾ  ಕರಗಲಿ ಬಿಡು  ಎನ್ನ ಮನ  ನಿನ್ನ ಬಿಸಿಯುಸಿರಿನಲಿ  ನಾನಿರಲಾರೆ ನಿನ್ನ ವಿನಾ! ೩.  ಗೆಳತಿ ನಿನ್ನ ಅಧರಗಳ ತುಂಬಾ ಮಕರಂದ  ಮೊಗೆದುಕೊಳಲು ಬಿಡು  ಮನದಾಸೆಯ ತುಂಬಾ   ಆಸೆಗಳು ಬರಿದಾಗದು  ಈ ಜೀವನದ ತುಂಬಾ! ೪.  ಗೆಳತಿ ನಿನ್ನ  ಗಲ್ಲ  ದೇಸಿ ತಾಟಿ ಬೆಲ್ಲ  ಎನಗೆ ಹಂಚಿ ಬಿಡು  ಆ ಸಿಹಿಯ ಬಲ್ಲವನಲ್ಲವೇ ಈ ಮಲ್ಲ! ೫.  ಗೆಳತಿ ನಿನ್ನ ಕೆನ್ನೆಗಳು  ಬಲು ನುಣುಪು  ಜಾರಿಕೊಳಲು ಬಿಡು  ಆ ಚಿಕ್ಕ ಗುಳಿಗಳಲಿ  ನಗುತ ನಲಿಯುತಾ  ನಲ್ಮೆಯ ಸಿರಿಯಲಿ! ೬.  ಗೆಳತಿ ನಿನ್ನ ಕಿರುನಗೆ ಆಸರೆ ಎನಗೆ ಹಬ್ಬಿಕೊಳಲು ಬಿಡು ಮೈಮನಗಳಲಿ ನವ ವಸಂತಕೆ ಬಿರಿಯಲಾರೆನೆ ಸಾವಿರ ಹೂನಗೆ! ೭.  ಗೆಳತಿ ನಿನ್ನ ಮುಂಗುರುಳು ಹೊಂಗನಸಿನುಂಗುರಗಳು ತೊಡಿಸಲು ಬಿಡು ನೀಳ ಬೆರಳಿಗೆ  ನಿನಗೆಂದೇ ಮುಡಿಪಿಟ್ಟ ಬಂಗಾರದ ಬಾಳ್ವೆಗೆ!
Read more