ಜೀವ ಕೊಡುವ 
ಮಳೆಯು ಜಿನುಗುತ್ತಿದೆ 
ಭಾವನೆಗಳು ಬಯಲಾಗುತ್ತಿವೆ
ಕಂಗಳು ದಣಿಯುವಷ್ಟು ದೂರ 
ಹಸಿರೋ ಹಸಿರು... ಗಿರಿ-ವನ-ಕಂದಕಗಳು 
ನೋಡ ನೋಡುತ್ತಲೇ 
ಎಲ್ಲವೂ ಮಟಮಾಯ
ಯಾರೋ ಪರದೆಯೆಳೆದಂತೆ 
ಶುದ್ಧ ಬಿಳಿಯ ಮಂಜು... 

ಇಳಿಬಿಟ್ಟ ತೋರಣದಂತೆ
ಮುತ್ತುಗಳು ಜಾರುತ್ತಿವೆ 
ಒಂದೊಂದೇ ಅಂಗಳದ ಮುಂದೆ 
ನಮ್ಮ ಕಿವಿಗಿಂಪಾಗಿಸಿದೆ  
ಟಪ ಟಪ ಸದ್ದು 
ನಿಂತ ನೀರ ಮೇಲೆ ನಿರಂತರ 
ವರ್ತುಲಗಳ ಚಿತ್ತಾರ ಮಾತ್ರ 
ಕಣ್ತುಂಬಿಸಿ ಮತ್ತೆಲ್ಲ ವಿಶಾಲ ನೋಟ 
ಮುಸುಕಾಗಿಸಿ ಕವಿದ ಮಂಜು
ಸೃಜಿಸಿದ ಪವಾಡ ಸದೃಶ ಕ್ಷಣಗಳ
ನೆನೆಯುತ ನಾ ಬರೆದ ಚಿತ್ರಣವಿದು!


ಮರಳಿ ಬಾರದ ಬಾಲ್ಯದ 
ನೆನಪಿನ ಹಂಗ್ಯಾಕೆ 
ತಿಳಿಯಾಗಿಸೇ ಮನವ
ನಲಿಯುವುದು ಈ ಜೀವ -
ನಲಿಸುವುದು ಎಲ್ಲರನು 
ಮಗುವಿನಂತೆ ಮನವಿಟ್ಟು 
ಕುಣಿದು ತಣಿದು ನಲಿದೊಡೆ 
ವಯಸೆಂಬುದು
ಕೇವಲ ಎಣಿಕೆಯ
ಸಂಖ್ಯೆ ಆಗದೆ ಮುಪ್ಪಡರುವುದೇ
ಕಷ್ಟ-ಸುಖ-ದುಃಖಗಳ 
ಮನನ ಮಾಡದೆ 
ಪಾಲಿಗೆ ಬಂದಂತೆ ಸ್ವೀಕರಿಸಿ 
ಪರಿಪೂರ್ಣ ಜೀವನ ನಡೆಸಿ 
ಕಾಲಾಯ ತಸ್ಮೈ ಎಂದರಾಗದೇ?



ದಿನದ ಕೆಲಸ ಮುಗಿಸಿ 
ಮನೆಗೆ ಹಿಂತಿರುಗುತ್ತಿದ್ದೆ 
ಕಟ್ಟೆಯ ಮೇಲಿನ ಮರದ ಕೆಳಗೆ 
ಕತ್ತರಿಸಿದ ತೆಂಗಿನ ಗರಿಗಳು
ಒಣಗಿದ ಬೊಂಬು, ಧೂಳಿಡಿದ ಮಡಕೆಗಳು 
ಯಾರ ವ್ಯಾಪಾರಕ್ಕೊ ಸಂಸ್ಕಾರಕ್ಕೋ 
ಕಾದು ಕಾದು ದಿನಕಳೆದಂತಿತ್ತು 

ಮರು ದಿನವೂ ಅದೇ ದಾರಿಯಲ್ಲಿ 
ಮನೆಗೆ ಹಿಂತಿರುಗುವಾಗ ಅಲ್ಲಿ ನೋಡಿದೆ 
ಗರಿಗಳು ಹಾಗೆಯೇ ನಿಂತಿದ್ದವು 
ತುಸು ವಾಲುತ್ತಾ - ತನ್ನ ಬಣ್ಣ ಕಳೆದುಕೊಳ್ಳುತ್ತಾ
ಒಹೋ ನಿನ್ನೆ ಬಿಕರಿಯಾಗಲಿಲ್ಲ
ಯಮಧೂತರಿಗೆ ಬಿಡುವಿದ್ದಿರಬಹುದು  
ಜೀವವೊಂದು ಉಳಿಯಿತೆಂದುಕೊಂಡೆ 

ದಿನದಿನವೂ ವ್ಯಾಪಾರ ನಡೆಯಲೇಬೇಕಲ್ಲಾ
ಜಿಡ್ಡುಗಟ್ಟಿದ ದೇಹವೊಂದು ಕುಕ್ಕರಿಸಿ ಕುಳಿತು 
ಸಣಕಲು ಕೈಗಳಿಂದ ಮತ್ತೊಂದು ಗರಿಗಳ ಹೆಣೆಯುತ್ತಿತ್ತು 
ಪಯಣ ಮುಗಿಸಿದವನೊಬ್ಬ
ಪಯಣ ಸಾಗಿಸುತ್ತಿರುವವನೊಬ್ಬ  
ಸಾಗಿದೆ ಜೀವನ-ಯಾನ ಎನಿಸಿತ್ತು...


ಈ ಹಗಲು ಕನಸುಗಳಿಗೇಕೆ
ಬೇಕು ನಿದ್ದೆ 
ಬೆಳಗು-ರಾತ್ರಿಗಳ ಪರಿವೆಯಿಲ್ಲದೇ
ಆಕಾಶದೆತ್ತರಕ್ಕೆ ಚಿಮ್ಮುವ
ಆಸೆಗಳಿಗೆ ಅದ್ಯಾವ ಅಂಕೆ 
ಸದಾ ಮೊರೆಯುವ ಕಡಲಲೆಗಳು 
ಬೆಟ್ಟ ಬಯಲುಗಳ ಮೀರಿ
ಎಲ್ಲ ಎಲ್ಲೆಯ ದಾಟಿ 
ನಿಸ್ಸತ್ವ ಮನಗಳಲ್ಲೂ ಸಾರ ತುಂಬಿ 
ಮೊಳಕೆಯೊಡೆದು ಪುಟಿದೇಳುತ್ತಾ 
ಹಸಿರು-ಉಸಿರು ತುಂಬಿ 
ಗಾಳಿ-ಬಿರುಗಾಳಿಗೆ ಬಳುಕಿ
ಪ್ರಖರ ಬೆಳಕಿನ ಧಾಟಿಯನ್ನೂ ನಿಗ್ರಹಿಸಿ
ಇಂದೋ ನಾಳೆಯೋ 
ಹಾರಿಬರುವ ದುಂಬಿಯ ಸ್ಪರ್ಶಕೆ
ಜೀವ ನಲಿದು ಬಸಿರಾಗಿ 
ಹೂಬಿಟ್ಟು ಮನವರಳಿಸಿ ನಲಿವ
ಕನಸುಗಳಿಗೇಕೆ ಬೇಕು ನಿದ್ದೆ?

Comments

Post a Comment

Popular posts from this blog

ಕಾರಿನ ಚಕ್ರಗಳು ತಿರುಗುತ್ತಿವೆ  ತೇಲಾಡುತ್ತಿವೆ ನೂರಾರು ಭಾವನೆಗಳು ಮನದಲ್ಲಿ  ರಸ್ತೆಯ ತಿರುವಿನಲ್ಲಿ  ಅದೇ ಹುಡುಗಿ  ದಿನ ದಿನವೂ ಕಾಣ ಸಿಗುತ್ತಾಳೆ  ಅದೇ ಜಾಗದಲ್ಲಿ  ನಿಂತು ತಲೆತಗ್ಗಿಸಿ ಕಣ್ಣಿನಂಚಿನಲ್ಲೇ  ನೋಡುವ ಈ ಹುಡುಗಿ  ಯಾಕೋ ನನ್ನ ಮನ ಕಾಡುತ್ತಾಳೆ  ಯಾರ ಎದುರು ನೋಡುತ್ತಾಳೋ   ಬಸ್ಸಿಗೋ, ಆಟೋಗೋ, ಕೆಲಸಕ್ಕೂ  ನಾನು ಬೇಗ ಆಫೀಸ್ ಸೇರಬೇಕಿದೆ     ಅಲ್ಲಿ ನಿಲ್ಲಿಸಿ ಮಾತಾಡಿಸಲಾರೆ  ಆದರೂ ಮರೆಯಲಾರೆ  ದಿನ ದಿನವೂ ಯಾಕೆ  ನಾ ಆಕೆಯ ನೋಡಬೇಕು ತಲೆ ಕೆಡಿಸಿಕೊಳಬೇಕು  ಅವಳೇನು ಚೆಲುವೆಯಲ್ಲ  ನಾನೇನು ಯುವಕನಲ್ಲ  ಗಡ್ಡ-ಮೀಸೆ ಬೆಳ್ಳಗಾದಮೇಲೆ  ಇಲ್ಲದ ಸಂವೇದನೆಯೇಕೆ  ನನ್ನ ದಾರಿ ನಾನು ನೋಡಿಕೊಳದೆ ತಲೆ ಬಿಸಿಮಾಡಿಕೊಳಲೇಕೆ  ಬಿಪಿ ಮಾತ್ರೆ ದರ ಮುಗಿಲಿಗೇರಿದೆ ಇನ್ನು ಹುಳಿ-ಖಾರ ಬೇಡವೆಂದಿದ್ದಾರೆ ಮನಸ್ಸಿನ ವಿನಃ ದೇಹ ಮುಪ್ಪಾಯಿತೆ  ಕನಸಿನ ಗೊಂಚಲೊಂದು ಬಾಡಿದಂತೆ  ದಳಗಳು ಉದುರುವ ಮುನ್ನಾ    ಜೀವನ ಕೈಯಲ್ಲಿಡಿದು  ಗಾಡಿ ಚಲಾಯಿಸಲೇಬೇಕು ಸಮಯ-ನಿಯಮ ಪಾಲಿಸಲೇಬೇಕು  ನಿಲಲಿಕ್ಕುಂಟೆ, ತುಸು ನಾಚಲಿಕ್ಕುಂಟೆ   ಸಮಯ! ಕಾರಿನ ಚಕ್ರಗಳು ತಿರುಗುತ್ತಿವೆ ನೂರಾರು ಭಾವನೆಗಳು ತೇಲಾಡುತ್ತಿವೆ  ರಸ್ತೆಯ ತಿರುವಿನಲ್ಲಿ ಅದೇ ಹುಡುಗಿ ದಿನ...
Read more
We wreathed about our darling's head The morning-glory bright; Her little face looked out beneath So full of life and light, So lit as with a sunrise, That we could only say, "She is the morning-glory true, And her poor types are they." She is the morning-glory So full of life and light So lit as with a sunrise...  But not so beautiful they rear  Their airy cups of blue, As turned her sweet eyes to the light, Brimmed with sleep's tender dew; And not so close their tendrils fine Round their supports are thrown, As those dear arms whose outstretched plea Clasped all hearts to her own. We used to think how she had come, Even as comes the flower, The last and perfect added gift To crown Love's morning hour; And how in her was imaged forth The love we could not say, As on the little dewdrops round Shines back the heart of day. Oh those lovely lips The devil in my mind Confiscate which is not mine The joy of sweetness Lies in lost memories Oh those...
Read more

Gelati!

Image
  ೧.  ಗೆಳತಿ ನಿನ್ನ ಕಂಗಳ ತುಂಬಾ ನೂರಾರು ತರಂಗಳು ಹೊರ ಹೊಮ್ಮಲಿ ಬಿಡು ಒಲುಮೆಯ ಸಂಕೇತಗಳು ನಾ ಕಾದಿರುವೆ ಬೆಸೆಯಲು ಗಾಢಪ್ರೇಮದ ತಂತುಗಳು! ೨.  ಗೆಳತಿ ನಿನ್ನ ನಾಸಿಕ  ಮೆಚ್ಚಿದ ರಸಿಕ ನಾ  ಕರಗಲಿ ಬಿಡು  ಎನ್ನ ಮನ  ನಿನ್ನ ಬಿಸಿಯುಸಿರಿನಲಿ  ನಾನಿರಲಾರೆ ನಿನ್ನ ವಿನಾ! ೩.  ಗೆಳತಿ ನಿನ್ನ ಅಧರಗಳ ತುಂಬಾ ಮಕರಂದ  ಮೊಗೆದುಕೊಳಲು ಬಿಡು  ಮನದಾಸೆಯ ತುಂಬಾ   ಆಸೆಗಳು ಬರಿದಾಗದು  ಈ ಜೀವನದ ತುಂಬಾ! ೪.  ಗೆಳತಿ ನಿನ್ನ  ಗಲ್ಲ  ದೇಸಿ ತಾಟಿ ಬೆಲ್ಲ  ಎನಗೆ ಹಂಚಿ ಬಿಡು  ಆ ಸಿಹಿಯ ಬಲ್ಲವನಲ್ಲವೇ ಈ ಮಲ್ಲ! ೫.  ಗೆಳತಿ ನಿನ್ನ ಕೆನ್ನೆಗಳು  ಬಲು ನುಣುಪು  ಜಾರಿಕೊಳಲು ಬಿಡು  ಆ ಚಿಕ್ಕ ಗುಳಿಗಳಲಿ  ನಗುತ ನಲಿಯುತಾ  ನಲ್ಮೆಯ ಸಿರಿಯಲಿ! ೬.  ಗೆಳತಿ ನಿನ್ನ ಕಿರುನಗೆ ಆಸರೆ ಎನಗೆ ಹಬ್ಬಿಕೊಳಲು ಬಿಡು ಮೈಮನಗಳಲಿ ನವ ವಸಂತಕೆ ಬಿರಿಯಲಾರೆನೆ ಸಾವಿರ ಹೂನಗೆ! ೭.  ಗೆಳತಿ ನಿನ್ನ ಮುಂಗುರುಳು ಹೊಂಗನಸಿನುಂಗುರಗಳು ತೊಡಿಸಲು ಬಿಡು ನೀಳ ಬೆರಳಿಗೆ  ನಿನಗೆಂದೇ ಮುಡಿಪಿಟ್ಟ ಬಂಗಾರದ ಬಾಳ್ವೆಗೆ!
Read more